Нарын районунун Дөбөлү айылынын Өмүр Токтосунов атындагы орто мектебинин 6- классынын окуучуларынан түзүлгөн «Ак жол» командасы райондук турда 3- орунга ээ болушту.

Нарын райондук Билим берүү бөлүмүнүн жана Ички иштер бөлүмү менен биргеликте түзүлгөн иш пландарына ылайык Кыргыз Республикасынын » Жол кыймылынын жаш тескөөчүлөрү» командасынын түптөлгөндүгүнө 51 жыл толгондугуна байланыштуу «Жол кыймылынын жаш тескөөчүлөрү-2024» кароо- сынагынын райондук туру 2024- жылдын 23- апрелде Жан Булак айылында А.Жутакеев мектебинде өткөрүлдү. Сынакка Түгөл уулу Усупбек, А. Тыныбек, М. Байдөлөтов, М.Осмонов, Ө. Токтосунов, А.Жутакеев  орто мектептеринен 6 команда катышты.

Иш-чара жаш муундун өкүлдөрүн жол кыймылынын эрежелерин сактоого, жол коопсуздугун камсыз кылууга тарбиялоо максатында өткөрүлдү.

Программа боюнча:

1)Саптык кароо

2)»Жол эрежелеринин билермандары» тесттик суроолор

3) Агитбригада

4) Дубал газета жактоо болду

Өмүр Токтосунов атындагы орто мектебинин 6- классынын окуучуларынан түзүлгөн «Ак жол» тайпасы көрүүчүлөрдүн жана калыстар тобунун купулуна толуп, биринчи жылы катышып жатса да өзгөчөлөнгөн аракеттери эске алынып бааланды. Тайпанын командасы 3- даражадагы диплом менен сыйланды. Окуучуларга жол коопсуздугун сактоого үйрөтүү боюнча мындан ары да такай иш алып баруу милдеттерин коюшту. Женүүчүлөр баалуу белектер жана дипломдор менен сыйланды.